بعدما أعلنت صحف السلطة أن حلقة الاختيار 3 أمس السبت ستحمل مفاجأة مدوية، جاء ترسيب اعتبره النشطاء طلقة أطلقها الانقلابيون على أنفسهم ضمن مسلسلهم الذي أدانهم.

شهدت الحلقة الثامنة من «الاختيار 3» لقاء حقيقي مسجل (تسريب) بجمع وزير الدفاع السابق المشير محمد حسين طنطاوي، والفريق عبد الفتاح السيسي (كرئيس للمخابرات الحربية) والرئيس محمد مرسي، خلال اجتماع قبل فترة تولي مرسي حكم مصر عقب الانتخابات الرئاسية عام 2012

خلال اللقاء ظهر الرئيس محمد مرسي قائلا: «أنا هتكلم في وجود الفريق عبد الفتاح السيسي، عشان عارف انه دراعك اليمين»، ليرد عليه المشير محمد حسين طنطاوي قائلا: «أنا بتابع السيسي من أيام ما كان مقدم دا يعني مش ابني ده حته مني، ومش بس يؤتمن على الجيش ده يؤتمن على البلد بحالها، واللي حصل هو المفروض ميكنش موجود عشان يبقى الكلام دا بيني وبينك»

ورد محمد مرسي: «أنا عارف العلاقة دي إلى أي مدى أنا عارف الثقة»، ليقول طنطاوي: «وبعدين على فكرة قربة من الله وإخلاصة لله الحمد لله»، ليرد السيسي: «يارب أكون كدا».

وعن نتيجة الانتخابات قال مرسي: «النتيجة متتغيرش لأن دي إذا حصلت ليس لها من دون الله كاشفة .. الموجة اللي موجودة موجة إضرام نيران لمن لا يقدر المسؤولية، لا أتمنى ذلك ولا أوافق عليه». وهو ما وصفته صحف السلطة بانه "تهديدات من الرئيس السابق محمد مرسي بحرق مصر إذا لم يتولي حكم البلاد خلال فترة 2012"!!

ورد المشير «طنطاوي» قائلا: «أنا عايزك تاخد بالك، ده لو حصل، وجهة ما حاولت تضرم النار في البلد هتبقى مصيبة على البلد وعلينا كلنا، خد بالك من دي وخليهم مفيش داعي للحاجات دي» ليقول محمد مرسي: «التصرف الموجود والشعور الموجود تلقائي شعبي وليس مخطط له».

ليستطرد طنطاوي الرد قائلا: «لأ مخطط له معلش»، حيث طالبه مرسي بإلغاء قرار حل مجلس الشعب، وقال المشير: «انعقاد مجلس الشعب من تخصصي، وهو انا أقدر اعمل حاجة لمجلس الشعب؟، ليس من سلطتي إلغاء القرار ده حكم محكمة مش أنا اللي اصدرته والتنفيذ حاجة والقرار حاجة».

ليرد مرسي: «اريد انعقاد مجلس الشعب» ليعلق طنطاوي على حديثه قائلا: «استمعت إليك كتير جدا»، وقال مرسي: «اقترحت إلغاء قرار حل مجلس الشعب، أو إحالته إلى الفتوى والتشريع ويأخذوا فيه بعض الوقت لحد ما يقولوا رأيهم

ليرد المشير على مرسي قائلا: «لو جمعت المجلس وعرضت عليهم محدش هيوافق عليه، ليتمسك مرسي برايه قائلا: إذا استشعر الناس وسدت جميع المنافذ. ليرد طنطاوي: مين الشعب هو قصدك فئة معينة من الناس، شوف الشعب كله بيقول ايه .. اسمع كلامي"

واختتم الرئيس مرسي قائلا: «النتيجة اذا تغييرت يا سيادة المشير سيؤدي إلى كثير من الاضطرابات وهناك خطر حقيقي لا نعرف اين سيذهب، ولا أنا ولا انتم هتقدروا تمنعوها وستمثل خطر حقيقي غير 11 فبراير أنا برصد الواقع».

نشطاء علقوا: ده كده بتسموه تسريب ضد مرسي؟ الراجل بيقول لو النتيجة إتغيرت يعني لو زورتوها..

أضافوا: ده مرسي اللي بيهددكم اللي انتم جايبينه في المسلسل مرتبك وضعيف وما لهوش قرار وقدام السيسي اللي عامل نفسه أسد في المسلسل وهو في التسريب عامل زي البكر في الدخلة فعلا عسكر فاشل حتى في الكذب.

قطب العربي: تسريب يثلج الصدر.. ويعيد بعض الحق للرئيس الشهيد محمد مرسي الذي تصدى بقوة لمحاولة المجلس العسكري تزييف نتيجة الانتخابات الرئاسية.. وحل مجلس الشعب بقرار عسكري بغطاء قضائي.

نشطاء: اللي حصل أن مرسي كان بيتعامل مع شوية ثعابين بيتأمروا عليه وبيسجلوله بدون علمه والراجل كان كلامه كله عادي جدا ولا يدينه بشيء وهما حواروه على مزاجهم عشان يطلعوه خاين والمشير طنطاوي هو اللي جاب السيسي لمرسي وأوهمه أنه راجل صالح وقريب من ربنا ، ربنا ينتقم منهم هما الاتنين خونه